غربی آذربایجانین اعتیادی ترک ائتمه مرکزلرینده ایندی لیکده ۱۶ مین نفر درمان اولورلار.
اوروم نیوز، غربی آذربایجانین مخدره ماده لرایله مبارزه آپاران پولیسی نین رئیسی دئییب: ایلین ایلک ۸ آییندا ۳ مین ۸۰۳ نفر مخدره ماده لر ایله ایلگی لی غربی آذربایجان زندانلارینا یوللانیبلار.
سرهنگ اکبری آرتیریب: بو رقم کئچن ایل ۳ مین ۶۲ نفر ایدی.
او وورغولاییب: چیخاریلان سیاهی لارا گؤره یوزده ۴۳ محبوسلارین سوچو و جزاسی غربی آذربایجاندا مخدره ماده لر ایله ایلگی لی دیر.
اکبری دئییب: ایندی لیکده ۱۰۴ خصوصی و دولتی اعتیادی ترک ائتمه مرکزی ولایتیمیزده چالیشیر و ۱۶ مین نفرده بو مرکزلرده درمان ایشلرینی آپاریرلار.
او سوندا عائله لرین اؤنملی رولونا توخوناراق خاطرلادیب: عائله لرائده بیلرلر اوشاقلاری و جوانلاری اعتیادین و مخدره ماده لرین ضررلری ایله تانیش ائدرک، بو قارا سورونون قاباغینی آلالار.
