حجت الاسلام نیساری ۱۳ آبانین بؤیوک ییغینجاغینین اورتا گون ساعات ۹دا کئچیریله جگینی بیلدیردی.
اوروم نیوز، حجت الاسلام والمسلمین نیساری دئدی: غربی آذربایجانین ۱۷ شهری و بوتون بخشلری ایله برابر اورمودا ۱۳ آبان ییغینجاغی کئچیریله جک.
غربی آذربایجان تبلیغات اداره سینین هماهنگی شوراسینین سوروملوسو بونا اشاره ائدرک کی سحر ساعات ۹دا بو مراسم بوتون اورمولولارین قاتیلیمی ایله امام-سرداران خیابانلارینین چاتیشماسیندا باشلاناجاق، آرتیردی: ۱۳ آبان بیر تاریخدیر کی اوچ مناسبت اوست اوسته دوشور و بوجهتدن چوخ اؤنم داشی ییر.
او بونو دئیه رک بو تاریخده کئچمیش پهلوی رژیمی گوناهسیز طلبه لری قانلارینا بویامیش و امام خمینی(ره) نی تبعیده گؤندرمیشدی، وورغولادی: ها بئله انقلابدان سونرادا اونیورسیته طلبه لری آمریکا سفیرلیگینی بو تاریخده تسخیر ائتدیلر.
نیساری تأکید ائتدی: عاشورا گونون ناهار نامازی دا هر ایله تای عظمتلی حالدا قیلیناجاق.
