اوروم نیوز، بو گون گورجوستاندا بوتون اسلامچی تشکیلاتلارین اشتراکی ایله امام حسین(ع) تاسوعاسی مراسمی کئچیریلیب. همچنین گورجوستان اهل بیت جمعیتی طرفیندن “رقیه نین نالهلری” آدلی مراسم تشکیل اولونوب.
بو گون گورجوستانین مارنئولی شهرینده عموم گورجوستان مسلمانلاری عالی دینی ادارهسی، امام علی (ع) آدینا خیریه فوندو، مارنئولی ایمام علی(ع) مسجیدی و اهل بیت جمعیتینین تشکیلاتچیلیغی ایله تاسوعا یوروشو کئچیریلیب.
اسلام آذری سایتینین معلوماتینا گؤره، یوروشده گورجوستانین مختلف بؤلگهلریندن اهل بیت عاشلری اشتراک ائدیبلر.
عزادارلار قارشی سیندا چیخیش ائدن آخوند حاجی حاجی یئو بیلدیریب کی، بیز گورجوستان مسلمانلاری اؤلکهمیزین سامتسخئ-جاواخئتیا بؤلگهسینده مسجید بیناسینی کتابخانایا چئویرمه جهدلرینی، هر هانسی بیر قوه طرفیندن باش وئرمه سیندن آسیلی اولمایاراق، کسکین شکیلده قیناییریق و بو مسئله ایله علاقه دار یارانمیش اینسیدئنتده توتولان مسلمان قارداشلاریمیزلا اؤز همرأی لیگیمیزی بیلدیریریک.
او صحبتینین داوامیندا عربیستان دولتینین آیت الله شیخ باقر نمره قارشی حاقسیز اعدام قرارینی کسکین شکلده قینایاراق، بوتون گورجوستان مسلمانلاری طرفیندن شیخ نمرین تئزلیکله آزادلیغا بوراخیلماغینی عربیستان حکومتیندن طلب ائتدی. او سعودیه عربیستانینی صدام حسینین بؤیوک شیعه عالمی محمد باقر صدری اؤلدوردوکدن سونرا دچار اولدوغو عاقبته ائله جه ده معمر قذافینین امام موسی صدری اوغورلاتدیقدان سونرا باشینا گلنلره باخاراق، اونلاردان درس آلماغا چاغیردی.
حاجی حاجی یئو صحبتینین همچنین داعشین عراق و سوریه تورپاقلاریندا اسلام و مسلمانچیلیق آدینا ناحاق یئره گوناهسیز قانلار تؤکمه سینه توخوناراق، وورغولادی کی، اونلار هانسی سا سیاسی قوهلرین سفارشینی یئرینه یئتیرن آزمیش قوهلردیر و گؤردوکلری ایشلرین اسلاما و سلمانچیلیغا هئچ بیر عایدیتی یوخدور. گورجوستان مسلمانلاری اونلارین انسانلیقدان اوزاق عمللرینی کسکین شکیلده پیسله ییر و انسانلاری دینیندن و عرقیندن آسیلی اولمایاراق صلحه و عدالتلی اولماغا چاغیریرلار.
