غربی آذربایجانین پولیس قوه لرینین باشچی سی چالدیراندا بیر میلیون ۳۱۰ مین دنه قاچاق سیگارتین کشف ائدیلمه سیندن خبر وئردی.
اوروم نیوز، سردار”یحیی شرفی” مخبریمیزله دانیشیقدا دئدی: الیمیزه چاتان معلومات اساسیندا، چالدیراندا بیر نفر سیگارتی دپو ائدن شخصی نظارت آلتینا آلدیق.
او آرتیردی: بیر عملیات سیراسیندا نظارت آلینان شخصین ائویندن بیرمیلیون ۳۱۰ مین دنه خارجی و قاچاق سیگارت کشف ائدیلدی.
غربی آذربایجانین پولیس قوه لرینین باشچی سی وورغولادی: بونونلا ایلگی لی بیر ماشین ساخلانیلارکن ، ایکی نفر یاخالاندی.
سردار”شرفی” خاطرلاتدی: توتوقلانان شخصلر جزا تعیین ائدیلمک اوزره، محکمه یه یوللاندیلار.
