اوروم نیوز، فرانسه جمهورباشقانینین آذربایجان جمهوریتی ایله ائرمنیستان جمهورباشقانلارینین گؤروشدورمکده مکیرلی نیتی وار ایمیش.
سحر تئله کانالی نین یایدیغی معلومات اساسیندا، معلوم اولدوغو کیمی فرانسوا اوللاندین تشبثو ایله الهام علی یئو و سئرژ سارکیسیان بو گون پاریسده یئلیسئی ساراییندا گؤروشهجکلر.
“فرانس پرئسس” آژانسینین معلوماتیندا “گؤروشون مقصدی قاراباغ مناقشهسی زوناسیندا ایکی آی اول وضعیتین گرگینلشمهسیندن سونرا طرفلر آراسیندا دانیشیقلارین تأمین ائدیلمهسیدیر” دئییلسهده فرانسوا اوللاند باشقا مقصد گودور.
وئریلن معلوماتا اساساً فرانسه جمهورباشقانی گؤروشو اؤلکهدهکی نفوذلو ائرمنی تشکیلاتلارینین خواهشی ایله رئاللاشدیریر. مکیرلی مقصدین آرخاسیندا ایسه ادعا اولونان “ائرمنی سویقیریمی”-نین ۱۰۰ ایللیگینه حاضرلانمیش پلانلارین اجراسینا شرایط یاراتماقدیر.
فرانسه نین بو حرکتی چرچیوهسینده ائرمنی تشکلیلاتلاری ایله اونون نفوذ دایرهسینده اولان مئدیا اورقانلاری آذربایجان جمهوریتی ایله ائرمنیستان جمهورباشقانلارینین پاریس گؤروشوندن فایدالانیب دیگر دؤولتلری “ائرمنی سویقیریمی”-نین ۱۰۰ ایللیگینه حاضرلانمیش تدبیرده اشتراک ائتمگه سوق ائدهجکلر.
