اوروم نیوز، ناخجیوان مختار جمهوریتی مجلسینین صدری غربی آذربایجان والی سی ایله گؤروشده ایکی طرفلی علاقه لرین گئنیشلندیریلمه سیندن استقبال ائتدگینی بیلدیردی.
غربی آذربایجان والی لیگینین بیلگی لندیرمه سایتی نین یایدیغی معلومات اساسیندا، او دئییب: کئچمیش جمهورباشقانی حیدرعلی یئوین غربی آذربایجان سفری سیراسی امضالادیغی سندلر، علاقه لرین محکملشمه سی و گئنیشلندیریلمه سینی سبب اولوب و بوگونده علاقه لرین گئنیشلندیریلمه سیندن راضی ییق.
واصف طالبوو آرتیریب: ۲۰۱۳ ایلینده ۱۳۵ مین نفر ناخجیوان وطنداشلاریندان غربی آذربایجانا سفر ائدیبلر و بو رقم ۲۰۱۴-جو ایلین ایلکیندن بوگونه قدر ۷۰ مین نفره چاتیر.
او وورغولاییب: بو ولایتله تجاری و اقتصادی آل-وئریمیز کئچن ایل ۹ میلیون دولار و بو ایلین ایلکیندن بوگونه قدر بئش میلیون دولار حدودوندادیر.
طالبوو اورتاق امکداشلیق حاقدا دئییب: گرکلی تمللرین اولماسی ایله، ایکی طرف گرک اکینچی لیک، طب، علم و صنعت بؤلومونده اؤزل اولاراق چالیشالار.
او سوندا خاطرلادیب: ناخجیوان مختار جمهوریتی اولاراق چالیشیریق کی شاه تختی گؤمروکونو ۲۴ ساعاتلیق چالیشمادا توتماقدا، تجارتیمیزی غربی آذربایجانلا آرتیراق.
آرتیرمالی ییق غربی آذربایجان والی سی قربانعلی سعادت پنجشنبه گونو بیر تجاری-سیاسی هئیتله پلدشت شهریندن ناخجیوان مختار جمهوریتینه سفر ائدیبدیر.
