اوروم نیوزون تهران رادیوسوندان آلدیغی معلومات اساسیندا، اسلام امکداشلیق تشکیلاتینا عضو اؤلکه‌لرین قادینلار ایشلری اوزره باخانلارینین باکی گؤروشو” داواملی انکشافدا قادینلارین رولو ” آدی ایله ایشه باشلادی.
مخبریمیز معلومات وئریب، بو توپلانتی قادینلارین قابلیتلرینی گوجلندیرمک،یوخسوللوغو آرادان قالدیرماق،داواملی انکشافا نایل اولماق و جنسی برابرلیگی حمایه،قرار چیخارماق ساحه لرینده قادینلارین رولونو گوجلندیرمک و کئیفیتلی تعلیم و تحصیل امکانیندان داها چوخ بهره لنمک و صحیه امکانلارینین قادینلار اوچون کیفیتینی یوکسلتمک مقصدی ایله حیاتا کئچیریلیب.
ایران جمهورباشقانی نین قادینلار و عایله ایشلری اوزره معاونی شهیندوخت مولاوئردی آذربایجان جمهوریتی عایله،قادینلار و اوشاقلار ایشلری اوزره دولت کومیته‌سینین صدری هیجران حسین اووا،اسلام امکداشلیق تشکیلات باش کاتیبینین علم و تکنولوژی اوزره معاونی محمد نایمخان،بیرلشمیش ملتلر تشکیلاتینین قادینلار ایشلری اوزره اجرا مدیرینین خصوصی نماینده‌سی پوره لاکیشمی و بمت-نین شرقی آوروپا و اورتا آسیادا بمت-نین رئگیونال مدیری،هیمو لاکانیون،توپلانتینین آچیلیشیندا چیخیش ائدیبلر.
ایران اسلام جمهوریتی جمهورباشقانلیغینین قادین و عایله مسئله‌لری اوزره معاونی اومیدوارلیق ائدیب کی، قادینلار داواملی انکشافدا تاثیرلی رولا مالک اولاجاق موقعیته چاتاجاقلار.
شهیندوخت مولاوئردی اسلام امکداشلیق تشکیلاتینا عضو اؤلکه‌لرین قادینلارین مسئله‌لری اوزره باخانلارینین اجلاسی باره‌سینده دئییب: اسلام ایش بیرلیگی تشکیلاتی نین عضو اؤلکه‌لرین قادینلارین مسئله‌لری اوزره باخانلارینین اجلاسینین موضوعسو اسلام اجتماعیتلرینده داواملی انکشافدا قادینلارین رولودور.
اسلام امکداشلیق تشکیلاتینا عضو اؤلکه‌لرین قادینلار ایشلری اوزره ۳-جو توپلانتیسی اوچ ایل بوندان اول تهراندا کئچیریلمیشدیر.
