اوروم نیوز، سردار”نقدی” کئچن گون ائتدیگی آچیقلامدا، ” بوگون وئریلن مئساج آچیقدیر. یاخین بیر گله جکده، فلسطین خالقی ایله ال اله، قدسدا ناماز قیلاجاییق ” دئدی.
مخانین خبرینه گؤره ایران بسیج مستضعفین قورومو باشقانی، سردار”نقدی”، ۱۳ آبان دونیا امپریالیزمی ایله مجادله گونو چرچیوهسینه ائتدیگی آچیقلامادا، ” بو قاتیلیم، بیرچوخ مئساج داشی ییر. بو مئساجلاردان بیری، چوخ یاخین بیر گله جکده فلسطین خالقی ایله برابر قدسدا ناماز قیلاجاغیمیز مئساجیدیر ” دئدی.
نقدی سؤزلرینین دوامیندا ایسه ” انشاالله بیر گون، بو جاسوسلوق یوواسینین (اسکی آمریکا سفیرلیگی بیناسی) اؤنونده، اسرائیلین جنازهسینین اوزریندن کئچه جه ییک. بوردان توم فلسطین خالقینا، هر زامان اونلارا دستک وئردیگیمیزی سؤیله ییرم ” دئدی.
بو ایل قیروو آیی نین ۱۳٫ گونو، دونیا امپریالیزمی ایله مجادله گون ایله عینی گونه راست گلن عاشورا گونو و امام حسین(ع) حاقیندا ایسه نقدی، ” ایران خالقی، امام حسین (ع)ین یولوندا ایره لی له ییر و اتم مذاکره لری قونوسوندا دا، امام حسین(ع)نین یولوندا ایلرلهیه جکدیر. ایران، حاقلارینین گؤزاردی ائدیلمهسینی هئچ بیر زمان قبول ائتمه یه جکدیر و مذاکره لر، سادجه گئرچکلرین آیدینلانماسی هدفی ایله دوام ائتمکدهدیر ” دئدی.
