اوروم نیوز،بو باره ده شرکتین هر بیر استفاده یه گؤندردیگی خبردارلیق مکتوبوندا بیلدیریلیر. ۲۰۱۵-جی ایل یانوارین ۱-دن قوه یه مینن یئنی قایدالارا اساساً، استفاده چی لره عاید معلوماتلار شبکه نین پارتنیورلارینا اؤتوروله بیلر، عینی زاماندا استفاده چی لرین رئکلام گؤروب گؤرمه مهسی اونلارین ایسته گیندن آسیلی اولاجاق.
آران نیوزون یایدیغی معلوماتا گؤره دگیشیکلیگه اساساً فیسبوک، اؤز استفاده چیلری باره ده مختلف فردی معلوماتلاری اوچونجو شخصه وئرمک حقوقونو قازاناجاق. یعنی آرتیق گلن ایلدن اجتماعی شبکه شخصی معلوماتلاری اوچونجو شخصه وئرمک حقوقونا مالک اولاجاق.
بورایا استفاده چی نین یئری حاقیندا معلوماتلاری، هابئله قئیدیات معلوماتلاری، ستاتوس و شرحلری، پایلاشدیغی فوتو و ویدئو ماتئریاللار، استفاده چی نین دوستلاری، هانسی بانک کارتلاریندان استفادهسی، ائلئکترون اؤدنیشلرین حیاتا کئچیریلمهسی ایله باغلی معلوماتلار، مالین چاتدیریلما عنوانی، اؤدنیشلرین واختی، حساب نؤمرهلری و سایر شخصی معلوماتلارداخلدیر.
شخصی معلوماتلارینیز باشقالارینا ساتیلاجاق
فیسبوک بو معلوماتلاری رئکلام خدمتلرینه و آنالیتیک شرکتلر، رابطه و پئراتورلارینا و “بیزیم بیزنئسه قلوبال دستک گؤسترن دیگر طرفداشلاریمیز” کاتئقورییاسینا داخل اولانلارا اؤتوره بیلر. آدمینیستراسیا قئید ائدیر کی، دؤولت اورقانلارینین نماینده لرینه ده معلومات وئریله بیلر- اونلار طرفیندن وئریلن سورغو قانونی اولدوقدا. فیسبوک-آ ۲۰۱۵-جی ایل یانوارین ۱-دن سونرا قوشولانلار سوسیال شبکهنین یئنی استفاده چی راضی لاشماسی ایله اتوماتیک اولاراق راضی لاشمیش ساییلاجاق.
بیلدیرلیر کی، استفادهچی راضی لاشماسینا دگیشیکلیکلر فیسبوکون کنار خدمتلرینین اوپتیماللاشدیریلماسی و ثمره لیلیگین آرتیریلماسی اوچون ائدیلیب.
فیسبوک هانسی معلوماتلاری توپلاییر؟
فیسبوک آدمینیستراسییاسی قئیدیات آنیندان باشلایاراق پروفیلده قئید اولونان بوتون معلوماتلاری اؤز سرورلرینده ساخلاماق حقوقونو اؤزونده ساخلاییر. بورایا تکجه استفادهچی معلوماتلاری داخل دگیل، هم ده جغرافی موقع، فوتو شکیل و ویدئولار، قویولان و باخیلان اینتئرنت عنوانلاری (کئچیدلر)، شبکه داخلینده ستاتوسلار و شرحلر، همچنین دیگر عملیاتلارلا باغلی معلوماتلار داخیلدیر.
فیسبوک استفاده چی راضی لاشماسینی نیه دگیشیب؟
یئنی سازیش چرچیوه سینده فیسبوک شبکه استفاده چی لری و مختلف خدمتلرین (رئکلام، مالیه و س.) تجهیزاتچیلاری آراسیندا واسطه چی کیمی چیخیش ائتمگه قانونی امکان قازانیر.
همچنین، خدمتلرین (دیگر خدمتلرینین و حسابلارین یاخینلیغی ایله سینخرونلاشدیریلماسی) تهلوکه سیزلیگینی تأمین ائتمک اوچون امکان قازانیر. استفادهچی راضی لاشماسی قئید اولونور کی، فیسبوک طرفداشلارینین طلب ائتدیکلری معلوماتلار تهلوکه سیزلیک استانداردلارینا جواب وئرمهلی دیرلر. پارتنیورلارا مخفی لیکله باغلی جدی طلبلره اویغون اولان معلوماتلار تقدیم ائدیله بیلر.
مقاولهنین دگیشدیریلمه سی شبکه نین خدمتلرینه نئجه تاثیر ائدهجک؟
پراکتیکی اولاراق هئچ نه. راضی لاشمانین بوتون دگیشیکلیکلری یالنیز فیسبوک و اونون پارتنیورلاری آراسیندا علاقه لرین گوجلندیریلمه سینه خدمت ائدیر. استیفادهچیلر یانوارین ۱-دن سونرا هئچ بیر دگیشیکلیک حس ائتمه یجکلر.
