غربی آذربایجان ثبت احوال اداره سینین رئیسی: بو ایلین ایلک آلتی آییندا ۱۵ مین ۸۷۵ ازدواج قئیده آلینیب.
اوروم نیوز، محمد جوان فخانین مخبری ایله دانیشیقدا دئییب: بو ایلین ایلک آلتی آییندا ۱۵ مین ۸۷۵ ائولنمه قئیده آلینیبدی کی کئچن ایل ایله مقایسه ده یوزده ایکی آزالیبدیر.
او ها بئله بوشانما حاللارینا توخوناراق آرتیردی: ایلک آلتی آیدا ایکی مین ۷۹۵ نفر بوشانما قئیده آلینیبدیر.
غربی آذربایجان ثبت احوال اداره سینین رئیسی بوشمانماغین غربی آذربایجاندا کئچن آلتی آی ایله مقایسه ده یوزده ۱۵ چوخالدیغینی سؤیله ییب.
جوان وورغولادی: آمارلارا گؤره هر بئش ائولنمه دن بیری بوشانماغا چکیلیر.
او ائولنمه یاشی نین آرتدیغینی دا بیلدیره رک، خاطرلاتدی: ایندی لیکده ائولنمه یاشی کیشی لر اوچون ۲۷ و قادینلار اوچون ۲۳ دور.
