اوروم نیوز- ایران و تورکیه خارجی ایشلر باخانی، ایکی طرفلی مناسبتلرین گئنیشلندیریلمه سی، مهم بؤلگه سل و بین الخالق مسئلهلر باره ده فکر مبادلهسی آپاریبلار.
ایرنانین وئردیگی معلوماتا اساساً، تورکیه خارجی ایشلر باخانی مولود چاووش اوغلو اؤتن گون ایران خارجی ایشلر باخانی محمد جواد ظریف ایله پکنده کئچیردیگی گؤروشده، ایکی اؤلکه آراسینداکی امکداشلیقلارین سویهسینین یوکسلمهسینی خواهش ائدیب.
“افغانیستان اوچون ایستانبول پروسئسی”آدلی اجلاسین کناریندا ایرانلی همکاری ایله پکنده گؤروش کئچیرن مولود چاووش اوغلو موجود پتانسیللره توخوناراق، ایران ایله تورکیه آراسیندا مناسبتلرین گئنیشلنمه سی اوزرینده تأکید ائدیب.
“افغانیستان اوچون ایستانبول پروسئسی” آدینا ۴-جو بؤلگه سل اجلاس دونیانین ۴۶ اؤلکهسینین اشتراکی ایله اؤتن گون چین پایتاختی پکن شهرینده کئچیریلیب.
پکن اجلاسینین اشتراکچیلاری ۲۰۱۱-جی ایل ایستانبول آنلاشماسینا اساساً، افغانیستاندا داواملی تهلوکهسیزلیگین برقرار ائدیلمهسی اوچون بوتون سعی لرینی حیاتا کئچیرمک اوچون آنلاشما قبول ائدیبلر.
