غربی آذربایجان مخدره ماده لر ایله مبارزه پولیسینین رئیسی صنعتی و مخدره ماده لری پایلایان دسته نین ضررسیزلشدیگینی بیلدیریب.
اوروم نیوز، سرهنگ” اکبری” مخبریمیزله دانیشیقدا دئییب: الیمیزه چاتان معلومات اساسیندا کی اورمیه ده بیر دسته کی صنعتی مخدره ماده لر پایلاماقلا مشغولدولار، موضوع پولیسین دقت مرکزینه چئوریلدی.
او آرتیردی: بیر سیرا پولیسی ایشلر و عملیاتلار سیراسیندا اورمیه، بوکان و سردشتدن بو دسته نین عضولری یاخالانیب پولیس مقرینه گتیریلدیلر.
مین باشی اکبری وورغولادی: اتهام ائدیلن شخصلرین گزیلندیکلری یئردن آپاریلان آراشدیرمالاردا ایکی کیلو ۵۱۳ گرم مخدره ماد شیشه نوعوندن کشف ائدیلرکن، اوچ مینیک ماشینیدا اله کئچیریلدی.
غربی آذربایجان مخدره ماده لر ایله مبارزه پولیسینین رئیسی سوندا خاطرلاتدی: بو خصوصدا دؤرد نفر یاخالاناراق، جزا وئریلمک اوزره محکمه یه یوللاندیلار.
