شیعه لر کربلادا اوخلانیب عطشاندی حسین
دردالیندن اوره گی قاندی پریشاندی حسین
***
شانی تایسیزدی جهاندا اونا آللاه نه یازیم
بوتون عالمده آغاجلار قلم اولسا نه آزیم
دریالار جؤهر اولا گؤی اوزو اولسا کاغاذیم
گئنه گؤرمزکی یازام دونیایا سلطاندی حسین
***
حضرت داوود اوخور جمله جهان ساخلیر عزا
آی،بولود،گؤیده گونش هامی اینان ساخلیر عزا
گئجه لر سهلیدیر بو ماتمه دان ساخلیر عزا
قارداشی قولسوز اؤلوب قانینا غلطاندی حسین
***
دوشدو سؤز چونکی حسین دن بوگؤزوم دولدو یاشا
اختیارسیزکن الیم قووزانیبن چالدی باشا
اولابیلمزکی حسین تای بؤیوک آللاها حاشا
شکی یوخدور اوره گیمده اولو سلطاندی حسین
***
گؤزو یاشلی باجیسی معجرینی چکدی باشا
علی اصغر قانی ایلن بورونوب آغ قوماشا
کسیلیب قارداشی نیت قوللاری دا دیدی داشا
یوخ علمداری الهی اوره گی قاندی حسین
***
اسلاما ائیله دی تحفه اوجا بوی اکبرینی
اوتوروب یئرلره چالدی قانایان دیزلرینی
قووزادی گؤی اوزونه کؤرپه علی اصغرینی
قان ایچینده بالاسین گؤردو یاریم جاندی حسین
***
ای/گونش/شوبهه کی یوخدور جهانین سلطانی دیر
جددینی نین شؤکتی هم آیدان آری وجدانی دیر
او علی نین داماریندا دولاشان آل قانی دیر
آل طاهانی سئون کیمسه یه جاناندی حسین.
امین گنج پرور
