اوروم نیوز، اؤزونوزو سورهکلی یورغون حیسس ائدیرسینیز یا دا هله گونون اورتاسینا چاتمامیش ائنرژینیزین بیتدیگینی دویورسونوز؟ بونون نده‌نی کئچیجی(موقت) بیر یورغونلوق اولابیله‌ر آنجاق بیتکینلیگینیزین (خستگی) آرخاسیندا بو نده‌نلردن بیری ده اولابیله‌ر…
یئته‌‌رسیز یوخو :
گؤزل بیر گئجه یوخوسو؛ یالنیز دینجه‌لمک اوچون دئییل. گئجه یوخوسو اساسیندا بدنه یاخشی و پیس کولئسترولو دنگله‌یه‌ر(تعادل). عضله(ماهیچه) و سوموک‌لری گوجلندیرمک و بدنین یاغ دئپولاماسی (ییغماسی) کیمی اؤنملی ایشله‌ولری (کاربرد) ده وار. یاخشی بیر یوخو یاتماماق عئینی دورومدا دئپرئسیونا (افسردگی)-دا نده‌ن اولا بیله‌ر.
قیداسال (غذایی) اؤنمی اولمایان ییه‌جک‌لری یئمه‌ک : ( تنقلات و فست فوود )
اصلینده چوخ تئز و قیسا زاماندا ائنئرژی دئپولاماسی یؤنته‌می سانیلسا دا اوزون سوره‌ده تامدا بونون قارشیسی اولا بیله‌ر. بیلیم‌سل آراشدیرمالار تئز پیشمیش(فست فوود) یئمه‌کلر بدنین یاواشلانماسینا نده‌ن اولدوغونو آچیقجاسینا اورتایا قویور.
یئته‌ری قده‌ر سو ایچمه‌مک :
بیر چوخ اینسان دئهیدراسیون ( تبدیل H2O به H2O2 ) نده‌نی‌ایله ائنئرژی‌لرینین توکندیگینین فرقینده اولمورلار. آنجاق هر نه‌یین اولدوغو کیمی سویون چوخلوغودا ساغلیقلی دئییل. بونون اوچون کیچیک بیر دنه‌تیم (تست) موجوددور.تووالئته گیردیگینیزده ایدرارینیزین بویاسی (رنگ) توند ساری (کهربایی) یا دا چوخ آچیق دیرسا بده‌نیز سیزه سیگنال گؤنده‌ریر دئمک‌دیر.
ب ویتامینی‌نین اسکیکلیگی (کمبود ویتامین B)) :
بدن‌ده‌کی گلوکوزو (قند) ائنئرژی‌یه دؤندورولمه‌سی اوچون ب-ویتامینی‌نه ائحتیاجیمیز وار. گون ائرته و آخشام چاغیلاری آلیناجاق (دریافتی) ب– ویتامینی بده‌نین ساغلام ساخلانماغیندا درین قاتغیلار بیراخا بیله‌ر.
اینفئکسیون (عفونت) :
سیز اؤزونوز ایسته‌مه‌دن اولا بیله‌ر بیر چوخ میکروبلارلا قارشیلاشاسیز! اللرینیزی سوره‌لی اولاراق تئز-تئز یویوب فردی تمیزلیگینیزه دیققت یئتیرمه‌لی‌سینیز.
حرکتسیزلیک :
سحر ائرته‌دن یاپدیغینیز قیسا سوره‌لی یئرییشلر و یونگول ایدمانسال(ورزشی) حرکت‌لر گونو دولو ائنرژی‌ایله باشلاماغا یاردیمچی اولار. گون ایچینده حرکتسیزلیک وجود دیره‌نجینی(مقاومت بدن) و ائنئرژی سویه‌سینی دوشوره‌ر.
هورمونال سورونلار (مشکلات هرمونی) :
یاواش چالیشان تیرویید و آدرئنال قودده‌لری (غدد آدرنال) بؤیوک بیر ائنئرژی ایتیرمه‌سینه نده‌ن اولار. بو قونودا دوقتورونوزلا دانیشماق لاب یاخشی سئچه‌نه‌کدیر(گزینه).
انسولین دیره‌نجی :
دیابئت خسته‌لیگینین خبرچی‌سی اولان انسولین دیره‌نجی بده‌نیزین گوج ایتیرمه‌سینه نده‌ن اولار. تمل اولاراق بده‌نیزده‌کی شئکرین ائنئرژی‌یه چئویریلمه‌مه‌سی دورومودور.
