سامی یوسف بهمن آییندا تهران و تبریز شهرلرینده کنسئرت وئره جگی حاقدا آچیقلاما وئریب.
اوروم نیوز، سامی یوسف ایسنا خبر آژانسی ایله مصاحبه ده دئییب: موسیقی قروپو ایله بیرلیکده بهمنین ۱۰-دا ایرانا سفر ائدیب و بهمنین ۱۲-ده تهراندا ایلک کنسئرتیمی اجرا ائده جگم.
سامی یوسف ایرانا سفری زامانی اؤز آرزولارینی گئرچکلشدیره جگینی ده دئییب: “ایراندا اولدوغوم مدت عرضینده حضرت علی ابن موسی الرضا(ع)ین مشهد شهرینده کی مقبره سینی ده زیارت ائتمک ایسته‌ییرم. بو منیم امام رضانین(ع) حرمینی ایلک زیارتیم اولاجاق. همچنین، جمکران مسجیدینی زیارت ائتمک ده منیم اساس سفر پروقراملاریندان بیری دیر.”
سامی یوسف هابئله، ایراندا اولاجاق ایکینجی کنسئرتی باره‌ده ده دئییب: اؤز ایسته گیم اساسیندا ایکینجی کنسئرتیم تبریز شهرینده اولاجاق و ۱۵ بهمنده تاریخینده تبریزده صحنه یه چیخاجام.
