اوروم نیوز، ایرانین رابطه و اینفورماسیا تکنولوژی لری باخانی آذربایجان جمهوریتینین مدنیت و توریزم باخانی ایله گؤروشوب.گؤروشده مدنیت ساحه سینده قارشیلیقلی علاقه لرین گئنیشلندیریلمه سینین واجبلیگی وورغولانیب.
مدنی مناسبتلر،سیاسی –اقتصادی ساحه لرده اؤلکه‌لرین علاقه لر اؤزلونو تشکیل ائدیر دئیه ن محمود واعظی دئییب : ایکی اؤلکه نین تاریخی – مدنی باغلیلیق تئللری چوخدور. بو اوزدن مدنیت ساحه سینده قارشیلیقلی علاقه لرین گئنیشلندیریلمه‌سی واجبدیر.
ایرانلی باخان همچنین ایکی اؤلکه‌نین توریزم ساحه سینده‌کی یوکسک پتانسیللرینه ده توخوناراق سؤیله ییب : ایران آذری لرین ایرانا گئدیش-گلیشینین آسانلاشماسی اوچون بیر نئچه مدت بوندان اؤنجه‌دن ویزا رئژیمینی لغو ائدیبدیر. ایران آذری طرفینده ایران وطنداشلارینین گئدیش-گلیشی اوچون بئله بیر آددیم آتماسینی گؤزله‌ییر.
بو گؤروشده آذربایجان جمهوریتی نین مدنیت و توریزم باخانی دا ایکی اؤلکه‌نین محکم باغلی لیقلارینا ائله جه‌ده قارشیلیقلی مثبت علاقه لرین موجودلوغونا اشاره ائده‌رک دئییب : مدنی اورتاقلیقلار،سیاسی –اقتصادی مناسبتلرین انکشافی اوچون محکم بیر دایاقدیر.
ابوالفضل قارایئو هابئله ایران جمهورباشقانی حسن روحانی نین آذربایجانا باش توتاجاق سفرینین اؤنمینه اشاره ائده‌رک خاطرلادیب : هئچ شبهه سیز کی، بو سفر ایکی اؤلکه مناسبتلرینین گئنیشلندیریلمه‌سینده جدی تأثیرینی گؤستره‌جک.
آذربایجان جمهوریتی نین مدنیت و توریزم باخانی ،ایکی اؤلکه خالقلارینین مشترک تاریخی-مدنی اثرلرینین قیده آلینماسیندا ایران-آذربایجانین بین الخالق اورتاقلیقلارداکی نماینده‌لرینین علاقه لرینین محکملندیریلمه‌سینین ضروریلیگینه اشاره ائده‌رک دئییب : بیز تکلیف ائدیریک کی،تاریخ بویونجا ایران-آذربایجان خالقلارینین باغلی لیق سمبولو اولان تاریخی ” خودآفرین کؤرپوسونون ” آدینین یونسکو تشکیلاتیندا قیده آلینماسیندا ایکی رسمی لری اساسلی و موافق آددیملارین آتیلماسیندا اللریندن گلنی اسیرگمه سینلر.
ابوالفضل قارایئو ایرانین آذربایجانلی وطنداشلار اوچون ویزا رئژیمینی بیر طرفلی صورتده لغو ائتمه‌سینه گؤره ممنونلوق ایفاده ائدیب و دئییب : بیز ده ایران وطنداشلارینین آذربایجانا سفرلرینین آسانلاشدیریلماسی اوچون علاوه امکانلار نظرده توتماغا سعی گؤستره‌جه ییک.
