اوروم نیوز، تابناک سایتینین معلوماتینا گؤره، ایرانین رابطه و اینفورماسیا تکنولوژی لری باخانی، ایران-آذربایجان مشترک اقتصادی کمیسیونونون باشقانی محمود واعظی تهراندا مخبرلرله مصاحبه‌ده بیان ائدیب : حسن روحانی گلن هفته نین سونلاری آذربایجان جمهوریتینه سفر ائده جک. بو، ایران جمهور باشقانی نین رسمی سفری دیر.
سفرده حسن روحانی نی بعضی حکومت عضولری، ایرانین شرقی آذربایجان، غربی آذربایجان، اردبیل و گیلان ولایتلرینین رسمی شخصلری، اؤزل سئکتور تمثیلچی لری مشایعت ائده جک.
باکی دا آپاریلاجاق دانیشیقلاردا ایران -آذربایجان سرحدینده چایلاردان استفاده قایدالاری،آذربایجان جمهوریتیندن الکتریک انرژی سینین آلینماسی و نقل ائدیلمه سی،گؤمروک و نقلیاتلا باغلی بعضی مسئله لرین حلی یوللاری او جمله‌دن،قاز و انرژی ائله جه ده توریزم و تجارت ساحه لرینده بیرگه امکداشلیق مذاکره اولوناجاق.
محمود واعظی سؤزلرینه گؤره ،ایران جمهورباشقانی نین رسمی سفری چرچیوه‌سینده ۱۰ سندین امضالانماسی نظرده توتولوب.
