اوروم نیوز،بیر مراسم ضمنینده آذربایجانین بؤیوک قهرمانی و رشادتلی اوغلوندان تقدیر اولوندو.
بو مراسم مختلف اؤلکه و غربی آذربایجانین مسئوللاری، ملّت و نظامی ایله انتظامی قوه لرینین باشچی لارینین حضورو ایله کئچیریلدی.
مراسمده حجت الاسلام حسنی نین ویدئو گؤرونتولری یایینلاندی و مختلف مسئوللار او جمله دن امام جمعه لرین سیاست قویما شوراسینین باشقانی، غربی آذربایجان والی سی، اورمیه امام جمعه سی، سردار ایزدی و … چیخیش ائدرک اونون شخصیتی حاقدا و ائتدیگی قهرمانلیقلارا گؤره دانیشدیلار.
کئچیریلن مراسمده اونون حیاتین حصر ائدیلمیش تئله فیلمدنده گؤرونتولر یایینلادی و انقلاب شاعرلریندن اولان بیت الله جعفری اؤز شعرینی تقدیم ائتدی.
سوندا حجت الاسلام حسنی نین کتابی ایشیق اوزو گؤردو، خاطره سینه حصر اولونموش پست تمبری دامغالاندی و حسنی بوستونونده آچیلیش مراسمی کئچیریلدی.
خاطرلاتمالی ییق حجت الاسلام حسنی اورمیه نین کئچمیش جمعه امامی اسلامی انقلابین ایلکین ایللرینده غربی آذربایجانین امنیتینی ساغلاماغدا بؤیوک رول اوینامیش و کئچن ایللرده رشادت اوردئنی ایله تلطیف اولونموشدو.
