بیر قروپ امام حسین(ع) عاشقلری و سئونلری محرملیک مراسملرینده شرکت ائتمک اوچون غربی آذربایجانا سفر ائدیبلر.
اوروم نیوز، یاسین قورآن موسسه سینین تورکیه نین ایغدیر شهرینده کی شعبه سینین سوروملوسو دئدی: بو حسین چیلر و اهل بیت عاشقلری تورکیه نین مختلف شهرلریندن ایرانا گلیبلر و عزادارلیقلارا قاتیلاجاقلار.
خانیم پلگین پاچین آرتیردی: ۱۵۰ نفردن تشکیل تاپان بو قروپ ایراندا قالدیغی گونلر سیراسیندا امام رضا(ع) و حضرت معصومه(س) حرملرینی ده زیارت ائده جکلر.
او وورغولادی: اورمیه نین شهیدلر مزارینی زیارت ائتمه و اورمیه ده جمعه نمازینا قاتیلما بو قروپون آیری برنامه لریندندی.
گلن تورکیه لی لرین بیر سیراسی ایران تورپاقلارینی ایکینجی وطن اولاراق ساندیقلارینی دئییب، خاطرلاتدیلار: امام حسین(ع) عشقی بیزی بورالارا چکیب گتیریب.
