ایرانین آذربایجانداکی سفیری محسن پاک آیین، تهران و باکی ایلیشگی لرینین گلیشمه سی یولوندا هئچ بیر انگل اولمادیغینی وورغولادی.
اوروم نیوز، ایران و آذربایجان سرحدینده کئچیریلن بیر آچیلیش تؤرنینده دانیشان پاک آیین، آذربایجان جمهوریتی ده ایران اسلام جمهوریتی کیمی ایکیلی ایلیشگی لرین گلیشدیریلمه سی ایسته دیگینی بیلدیردی.
فخانین یایدیغی معلومات اساسیندا، پاک آیین بو چرچیوه ده بو آیین ایچینده ایران جمهورباشقانی روحانینین باکی زیارتینی خاطرلاداراق ایکی لی ایلیشگی لرین داها دا گوجلنمه سینه چالیشدیقلارینی افاده ائتدی..
تهران یؤنتیمینین خارجی سیاستی قونشولارلا گرکسیز گئریلیملری آرادان قالدیرماق اولدوغونو بیلدیرن پاک آیین، تهران و باکی علاقه لرینین گلیشمه سی یولوندا هئچ بیر انگل اولمادیغینی وورغولادی.
