بوکانین پولیس قوه لرینین باشچی سی بو شهرده دؤرد قاچاق یوک داشیان ماشینین ساخلانیلدیغینی دئییب.
اوروم نیوز، سرهنگ” بهزاد بندریان” دئییب: الیمیزه گلن معلومات اساسیندا دؤرد مینیک ماشینین قاچاق یوک داشیدیغینی بیلدیک.
او بونو دئیه رک کی بو خبرله موضوع پولیسین دقت مرکزینه چئوریلدی، آرتیردی: ان قیسا زاماندا مأمورلار اؤز ایشلرینی باشلاییب و قاچاقچی لاری ماشینلاری ایله بیرگه پولیس مرکزینه گتیردیلیر.
بوکانین پولیس قوه لرینین کاماندری وورغولادی: خارجی پارچا، پالتار، برق فیوزلاری و الجک کشف ائدیلن ماللارداندی.
مین باشی”بندریان” خاطرلاتدی: بونونلا ایلگی لی دؤرد نفر جزا وئریلمک اوزره محکمه یه یوللاندیلار.
