اوروم نیوز، ۱۱ ایل اؤنجه ایلده حسین (ع) سود امرلری توپلانتیسینین کئچیریلمه‌سی ایله اؤز ایشینه باشلایان حضرت علی اصغر (ع) بین الخالق تشکیلاتی بیر دینی و خلقی قورومدور.
حضرت علی اصغر (ع) بین الخالق تشکیلاتینین تشبثو ایله هر ایل محرم آیینین ۱-جی جمعه سینده حسین (ع) سود امرلری مراسمی دونیانین بیر چوخ یئرینده کئچیریلیر.
۱۲-جی حسین سود امرلری مراسمی پاکیستان، عراق، کویت، عربیستان، بحرین، بیرلشمیش عرب امیرلیکلری، لبنان، افغانیستان، تورکیه، عمان، قطر، یمن، آمئریکا، هیندیستان، نیجریه، اوقاندا، تانزانیا، بورکینو فاسو، سنقال، کامئرون، آلمانییا، شیلی، فرانسه و سایره کیمی ۴۰ اؤلکه‌ده کئچیریلیر. ۲۰ مین پالتار ۵ دیلده ، فارسجا، عربجه، اینگیلیسجه، اوردو و آذربایجانجا ۴۰-دان چوخ اؤلکه‌یه گؤندریلمیشدیر.
بو ایل حسین (ع) سودامرلری مراسمی ایرانین ۳۲ ولایتینده ۲۵۰۰-دن چوخ مکاندا و ۵ قاره نین ۴۰ اؤلکه‌سینده ۲۳۰ مکاندا کئچیریلیر.
حضرت علی اصغر (ع) بین الخالق تشکیلاتینین صدری داوود منافی پور بین الخالق سحر تئلویزیا کانالینا بیلدیریب : “بو توپلانتی هم روضه خانلیق، هم ده “کربلا شیعه نین حیاتی و حضرت علی اصغر (ع) کربلانین حیاتی” مؤضوسوندا کئچیریلیر. حضرت علی اصغر (ع) بین الخالق تشکیلاتی دونیادا عاشورا مکتبینین برپا اولونماسینی مقصد سئچیب. دونیانین مختلف دیللرینه ۲۰۰۰-دن چوخ سایت، ۵۰-دن چوخ اسلام و غئیر اسلام تئلئویزیالاری، بوتون اینفورماسیا آژانسلاری و ۹۰ کیو بونو عکس ائتدیرمیشدیر. بو حرکاتین هئچ بیر وجهله سیاسی جهتی یوخدور. بیز حضرت علی اصغرین (ع) شهیدلیگینی ایره‌لی سورمکله تکجه شیعه‌لیکده دگیل، سوننو لوکده و مسیحیتده و بوتون دینلرده کربلانی دونیایا تانیتدیرا بیلریک. قافقاز اؤلکه‌لرینده خصوصیله ده آذربایجاندا دا بو مسئله چوخ یاخشی قارشیلانیر و بو ایل اگر آللاه ایسته سه، آذربایجانین اوچ شهرینده بو مراسم تشکیل اولوناجاق.”
