اوروم نیوز، اتوم انرژیسی اوزره بین الخالق آژانسین باش دیرئکتورو بیر داها ایران اسلام جمهوریتینین نووه فعالیتلرینده یایینمانین اولمادیغینی وورغولاییب.
ایران تئلئوزیاسینین معلوماتینا گؤره، اتوم انرژیسی اوزره بین الخالق آژانسی نین باش دیرئکتورو یوکیو آمانو ایرانین صلح مراملی نووه فعالیتلری باره‌سینده یئنی حساباتینی جمعه گونو بو آژانسا عضو اؤلکه لره تقدیم ائدیب.
آمانونون حساباتیندا بیلدیریلیر: آتوم انرژیسی اوزره بین الخالق آژانس هله ده نظارت آلتیندا اولان ایرانین نووه فعالیتلرینده یایینمانین اولمادیغینی تصدیقله‌ییر.
آتوم انرژیسی اوزره بین الخالق آژانسین باش دیرئکتورو بو حساباتدا بیلدیریب: ایران و آژانس ایکی آیری-آیری فرصتده تهراندا بیر نئچه تکنیکی گؤروشلر کئچیریبلر. گؤروشلرده مقصد، امکداشلیقلار اوچون آنلاشما آددیملاری توپلوسونون قالان ایکی پراکتیکی آددیمی باره‌سینده مذاکره اولموشدور.
آمانو اؤز حساباتیندا علاوه ائدیب: آتوم انرژیسی اوزره بین الخالق آژانس هله ده ژنو نووه آنلاشماسی ایله علاقه دار آددیملارین سیناقدان کئچیریلمه‌سی و اؤز نظارتینی داوام ائتدیریر.
ایران اسلام جمهوریتی ایکی طرفلی آنلاشما چرچیوه‌سینده آتوم انرژیسی اوزره بین الخالق آژانسا اطرافلی و کونستروکتیو امکداشلیغا مالک اولموشدور.
