اوروم نیوز، ایتالییا سناسینین خارجی کمیسیونونون صدری وورغولاییب: بؤلگه ده تروریزمله مبارزه و داواملی صلح و تهلوکه سیزلیگین قورولماسی ایرانین فعال اشتراکی اولمادان امکانسیزدیر.
ایریبین رومادان وئردیگی معلوماتا گؤره، پیئر فئردیناندو کازینی یوکسک سویه لی محکمه و انسان حاقلاری هئیتی ایله ایتالیایا سفر ائتمیش ایران انسان حاقلاری قرارگاهینین کاتیبی محمد جواد لاریجانی ایله گؤروشده ایرانین بؤلگه ده صلح و ثابتلیگین قورونماسینداکی آپاریجی رولونا اشاره ائدهرک، دئییب: بیز ایرانلا همکارلیغا و مناسبتلرین گوجلندیریلمه سینه احتیاجلی ییق، زیرا بو اؤلکه بؤلگه ده صلح و ثابتلیگین قورولماسیندا اشتراک ائده بیلر.
ایران انسان حاقلاری قرارگاهینین کاتبی ده بو گؤروشده ایرانین تکفیرچی و سلفچی تروریزمله باغلی خوشا گلمز حادثه لر توفانی قارشیسیندا دوروش گتیره و حتّی عراقا داخل اولماقلا اؤزونون قونشو اؤلکه لرینه ده یاردیم گؤستره بیلدیگینی دیله گتیرهرک، دئییب: محض غرب اؤلکه لرینین ایرانا احتیاجلاری وار و اونلارین ایرانلا آنلاشمایا اولان احتیاجلاری بیزیم اونلارا احتیاجیمیزدان چوخدور، زیرا گئنیشلنمکده اولان سلفچی و تکفیرچی تروریزم تئز-گئج غربلی لری ده ایلیشدیره جکدیر.
