اوروم نیوز، ایران اسلام جمهوریتی و آذربایجان جمهوریتی ایکی طرفلی امکداشلیقلارین گئنیشلندیریلمه‌سی و سرعتلندیریلمه سی مقصدی ایله ۵ آنلاشما سندی امضالاییبلار.
سحر کانالینین باکی دان وئردیگی معلوماتا گؤره، تهران و باکی آراسیندا امضالانمیش امکداشلیق سندلری رابطه و اینفورماسیا تکنولوژی لری، اقتصادی و تکنیکی امکداشلیقلار، پست امکداشلیقلاری، برپا ائدیلن انرژی منبع لری و سرحد چایلارینین قایدایا سالینماسی اوزره امکداشلیقلاری احاطه ائدیر.
بو سندلر ایران و آذربایجان جمهورباشقانلاری حسن روحانی و الهام علی یئو اشتراکی ایله ایکی اؤلکه نین یوکسک سویه لی رسمی لری طرفیندن امضالانیب.
ایران و آذربایجان جمهورباشقانلاری همچنین، ایکی اؤلکه نین یوکسک سویه لی هیئتلرینین اشتراک ائتدیگی مشترک توپلانتی دا تهران-باکی مناسبتلرینین داها دا انکشاف ائتدیریلمه سینه تأکید ائدیبلر.
روحانی بو اجلاسدا آذربایجانا سفرینی ایکی اؤلکه علاقه لرینین انکشافیندا دؤنوش نقطه سی آدلاندیریب و دئییب: ایکی اؤلکه رسمی لری آراسینداکی گؤروشلر و مذاکره‌لردن آیدین اولور کی، هر ایکی اؤلکه موجود پتانسیللری آکتیولشدیرمک اوزره سیاسی اراده‌یه مالکدیرلر..
