اوروم نیوز، کالیفرنیا اونیورسیته‌سینین ایرانلی آراشدیرماجیسی و آمریکانین سالک بیولوژی آراشدیرما مرکزی آراشدیرماجیلاری، کانسئرلی سلوللاردان علاج قارشیسیندا نئجه آغیشیقلیق قازاندیقلاری حاقیندا یئنی بیلگی لره چاتدیلار.
مخانین خبرینه گؤره، باکتری کلونی لرینده اولدوغو کیمی، بیر تومور ایچریسینده‌کی کانسر سلوللاری دا یاشاملارینی دوام ائتدیرمک اوچون ائوریملر یاشاییرلار.
عمومی تداوی یوللاریندا، مینلرجه کانسر سلولونو یوخ ائتمک اوچون بلیرلی دوزادا درمانلار ایشله دیلیر و بو آرادا، اگر تک بیر کانسر سلولودا یاشامینا دوام ائده بیلسه، بیر موتاسیون سایه‌سینده یئنی دن اسکی علاجا باغیشیقلی اولان بیر کانسر کیتله‌سی یارادا بیلیر.
سالک مرکزی و کالیفورنیکا اونیورسیته‌سینده‌کی ایرانلی آراشدیرماجی، دکتر نادر پورمند بو قانسر سلوللارینین نئجه علاجلار قارشیسیندا باغیشیقلیق قازاندیقلاری حاقیندا یئنی بیلگی لر تقدیم ائدیر. بیرچوخ بیلیم آدامینا گؤره بو باغیشیقلیق، تومورلاری تشکیل وئرن کانسرلی سلوللارین فرقلی اولماسیندان قایناقلانیر.
آپاریلان آراشدریامالارا گؤره تومورلاردا‌کی کانسرلی سلوللار و کانسر دوقولاریندا، بیرچوخ فرقلیلیک گؤرولور و بو دا، بو سلوللار و دوغولاری درمان یاردیمی ایله تداوی ائده بیلمگی چوخ چتین قیلیر .
دکتر پورمند و چالیشما قروپونون بو آراشدیرمالارینین، کانسر سلوللارینداکی چئشیتلیلیکلرین اورتادان قالدیریلماسی و بو سلوللارین مقاومتلرینین آزالماسی قونوسوندا یئنی اومودلار الده ائتمگی آرزی ائدیلیر.
