اوروم نیوز، عطرچیان بیلدیریب کی، ایکی اؤلکه آراسیندا ترانزیت قونوسونداکی اختلافلاری آرادان قالدیرماق اوچون آپاریلمیش مذاکرهلرده تورکیهیه بیر چوخ تکلیفلر وئریلیب.
اونون سؤزلرینه گؤره ایرانین تکلیفلری قبول ائدیلمهسه،تورکیه دن گلن و ترانزیت اؤلکه کیمی ایرانی سئچن یوک ماشینلارینا بو اراضی لرده یاناجاق ساتیلماسینا اجازه وئریلمه یه جک.
قئید ائدک کی، تورکیه ایراندان گلن هر بیر تریلی دن “تورپاق باسدی” اولاراق ۱۰۰ کیلومتره ۵۰ یورو پول آلیر و همین ماشینلارا اؤلکه اراضی سینده یاناجاق ساتیلماسینا اجازه وئرمیر.
ایراندا تورکیه دن گلن تریلی لردن ۱۰۰ کیلومتره ۵۰ یورو پول آلیر، آما اونلارا یاناجاق ساتیشینا اجازه وئریر. ایرانین تورکیه دن طلبلریندن بیری ده یاناجاق ساتیشینا اجازه وئریلمهسیدیر.
تورکیهدن گلن تریلی لرین ایراندان باشقا آلتئرناتیو یوللار تاپا بیلهجگینی دیله گتیرن عطرچیان بو یولون سوروجولر اوچون صرفهلی اولمایاجاغینی و باها باشا گلهجگینی سؤیلهییب.
عطرچیان ایراندان حرکت ائدن تریلی لرین تورکیهدن کئچمه یه جگی تقدیرده آلتئرناتیو یول کیمی ائرمنیستان، آذربایجان و روسیه نی سئچه بیلهجگینی دئییب. لاکن او دا بو یولون ایرانا هئچ بیر حالدا صرف ائتمهدیگینی دئییب.
ایکی اؤلکه آراسینداکی ۱۶ میلیارد دولارلیق تجارت حجمی نین اولماسینا توخونان عطرچیان بو تجارتین حجمینین بؤیوک حصه سینین تورکیه نین ایرانا اخراجاتینین حسابینا فورمالاشدیغینی دقته چاتدیریب. او، قئید ائدیب کی، اگر تریلی لر ایران طرفیندن ساخلانیلارسا، تورکیه بؤیوک مبلغده ضرر گؤرهجک.
