نادر قاضی پور مخبریمیزله دانیشیقدا اهالی سیخلیغینین بیر سیرا منطقه لرده چوخ اولماسیندان انتقاد ائدرک دئدی: اورمیه نین حدیندن آرتیق حاشیه ده اگلشن انسانلاری و محله لری وار و بو منطقه لرده اولان ائولرین هئچ بیرینده مهندسلیق اصوللاری ایله دوزه لدیلمه ییب.
او آرتیردی: بلدیه مسئوللاری و یو و شهرسالما اداره سینین سوروملولاری بو موضوعلارا یئتیشمه ییبلر و بو منطقه لرده طبیعی فلاکتلر نتیجه سینده بؤیوک فاجعه لرله قارشی قارشی یا گله بیلریک.
اورمیه لی لرین ملت وکیلی بونا اشاره ائدرک کی نئچه ساعاتلیق قار و یاغمورون یاغماسی اورمیه نی بحرانا سوروتله دی، وورغولادی: طبیعی فلاکتلری کنترل ائتمگه گرکیر شهر و ولایتمیزین مسئوللاری اؤزل و مخصوص دقت یئتیرسینلر.
قاضی پور خاطرلاتدی: یاغینتی لار اثرینده جاری اولان سولاری کنترل ائتمه ده و طبیعی بحرانلاری قارشیلامادا اورمیه بلدیه سینین ایشلری راضی لادیجی دگیل. گرک بو خصوصدا بوتون حاضرلیق ایشلری یئنی ماشینلار و تجهیزات ایله آپاریلا.
