اوروم نیوز، غربی آذربایجان والی‌سینین عمران ایشلری اوزره معاونی دئدی: اورمیه‌نین ۴۱۷ هکتار کؤهنه یا دا ایشه گلمز تیکینتیسی واردیر، بو حدوددان ۳۱۲ هکتاری شهرین تاریخی بؤلگه‌سینده‌دیر.
تسنیم خبر آژانسی‌نین اورمیه‌دن وئردیگی راپورا گؤره، هادی بهادری ولایت‌ین شهرسل تیکمه‌لرینین یئنیلشدیرمه و یئنی‌دن یاراتما مرکزلیگی ایله غربی آذربایجان‌ین اسلامی شورالارین رئیس‌لری ایله بلدیه باشچی‌لارینین اورتاق کنفرانس‌یندا بیان ائتدی: اورمیه شهری‌نین ۳ مین ایللیک قدیملییی ایله سندلشدیریلمیش تاریخی خریطه‌‌سی اولاراق کئچمیش‌ده ۸ دروازاسی وار ایدی، آنجاق تاسف ایله بو تاریخی تیکینیش سؤکولوب یئرلرینی گؤی‌دلن‌لر آلیر.
غربی آذربایجان والی‌سینین عمران معاونی آرتیردی: شوبهه‌سیز جاواز و وام ایله تاریخی تیکینیشی سؤکوب یئرینه نئچه مرتبه‌لی تیکینتی‌لرین تیکیلمه‌سی ایله اولان گئدیشات دوغرو ایش دگیل. آیری مهم و تاریخی اؤلکه‌لر ایله شهرلرده، شهرین تاریخی بؤلگه‌لرینه آرتیق اهمیت وئریب بو راحاتچیلیق ایله قدیم تیکینتی‌لری یؤکمه‌یه اجازه وئرمزلر. شهرین قدیم بینالاری جاذبه یارادیر و او شهرین کیملیگی ساییلیر.
او آچیقلادی: کئچمیش‌ده مسجد و بازار و ائولر ایله بیر ارتباط وار ایدی آما تاسف ایله ایندیلیک‌ده هامیسی آرادان گئدیب و تیکینتی دوزلیبدیر.
بهادری دئدی: اورمیه‌نین ۸ دروازاسی تازادان دوزلسه دونیانین باشاباشیندان اورمیه‌یه توریست گله‌جک‌دیر، بونا گؤره ده اونلاری کورلاماق یانلیش‌دیر (اشتباه‌دیر) و بو باره‌ده اورمونون ۸۰۰ مین نفرلیک جمعیت‌یندن۱۰۰الی ۲۰۰ مین نفری ایشه گلمز یئرلرده یاشاییرلار.
غربی آذربایجان والی‌سینین عمران ایشلری اوزره معاونی شهرین یئنیلندیرمه و گلیشتیرمه ایشله‌دیجی‌لرینین اؤزللیک‌لرینه اشاره ائدرک دئدی: شهرین یئنیلندیرمه بونلاردیرلار؛ اؤزللیک‌لریندن، گئنیش سرمایه یاتیریملار ایله مداخله‌لر اولمادان، موجود اولان کئچیریلمه‌لره تاثیر قابلیتی اولسون، گلیشتیرمه پروسه‌سینده، دوزگون دگیشیکلیک‌لر یاراتسین، موجود اولان عنصرلره تاثیر قویاراق معاصر حیاتی قدیم تیکینیش‌ده جریانا سالسین و اوندان سونرا دا یاراتدیغی تپکی‌ده ده (عکس العمل‌ده ده) اطرافینداکی تیکینیشه ده ضرر وئرمه‌سین.
خبرین سونو/
