اوروم نیوز، فولکلور ساحه سینده نشر اولونان کتابلاردان بیری سیده آتالار سؤزودور. کتاب ۱۳۸۷-جی ایلده اورمونون یازنشریاتی طرفیندن یاییلیب. آتالار سؤزوندن علاوه، بو کتابدا اوغوزنامه ، امثال تورکانه ، دده قورقوت و لغات التورکدن ده اؤرنکلر گتیریلیب. بو کتابدا اولان آتالار سؤزو الفبا اوزو ایله دوزولوب، بودا ایسته نیلن آتا سؤزوموزو قولایجاسینا تاپماق اوچون دور. کتاب اورمیه نین گنج آراشدیرماجیسی و فولکلورشناسی احمد اسدی طرفیندن کؤچورولوبدو.
کتاب ایچیندن اؤرنک لر
“اوغوزنامه”دن سئچمهلر:
آزی بیلمهین چوغی هئچ بیلمز.
آللاه ساغ گؤزو سول گؤزه محتاج ائیلهمهسون.
ائشگین اؤلومی ایته دوگوندور.
اؤگئی آنا، اوجاغا یانا.
ائل کئچدوگی کؤرپودن سن ده کئچ.
ائلون دیلینی کیمسه توتماز.
ابله چکیشگن اولور.
اولولار سؤزون توتمایان اولایو قالور.
ایشی ایشلهین کؤنولدور.
باسیلان کورشه دویماز.
باشا یازیلان گلور.
بیر تاشایله ایکی قوش اورولماز.
توغرویا زوال یوقدور.
جان یوکی آغیر اولور.
چوق اؤگولن چوروک چیقاغان.
حاق سؤز آجی گلور.
سئودوگینی گولله ده اورما.
سانا سؤیلرم، قیزیم، سن ائشیت، گلینوم.
عیبسیز یار ایستهین یارسیز قالور.
قودوزون عؤمری قیرق گوندور.
قورد آنارسان، قورد گلور.
کؤلگهسینده یاتاجاق آغاجی بوداما.
کؤنول کیمی سئورسه،گؤرکلو اولدور.
کیشینین حؤرمتی کندو ائلینده آزدیر.
گونش بالچیغ ایله توتولماز.
ناکسه ال آچماقدان آج اولماق یئگدیر.
وای اول کیشییه کیم، تانریدان قورقمایا.
یئر و گؤگ گؤتورمز آنی کی، انسان گؤتورر.
“امثال تورکانه”دن سئچمهلر:
آت ایلن قاتیر تپیشور، آرالیقدا ائششگ اؤلور.
آت تپیگون آت گؤتورور.
آزاجوق آشوم، آغروماز باشوم.
آغاج نه قدر بار گتورور، باشی آلچاقدادور.
آغیر اگلن کی، باتمان گلهسن.
آیین اون بئشی قارانقو ایسه، اون بئشی آیدونلوقدور.
ائششگوم اؤلمه، یونجا بیتونجه.
ات ایلن دیرناق آراسینا گیرن چورور چیخار.
اگری اگلنوب دوغری دانیشماق گرک.
اوج ائو کؤچنده اورتا ائو اوج اولور.
اوشاق عزیزدور، تربیه آندان عزیز.
اوغول فر اولار، آتا مالون نئیلر.
ایت اییهسی قاپوسوندا گوجلی اولور.
ایلان سانجان آلاجا ایپدن قورخار.
چیخماغون دوشمگی ده وار.
دووشانین یوگوردیگین گؤردوم، اتیندن زهلهم گئتدی.
گووندیگوم قارا داغ، سنه دخی قار یاغدی!
“دیوان لغاتالتورک”دن سئچمهلر:
آچ نه یئمس، توک نه تئمس.
آرسلان کاریسا سیچغان اؤتین کودهزور. (آسلان قوجالاندا سیچان دلمهیین گودر).
آرکاسیز ار چریق سویوماس. ( آرخاسیز ار قوشون یئنمز).
آشوچ آیور توبوم آلتون، کاموچ آیور من کایدا من. (قازان دئیهر دیبیم قیزیلدی، چؤمچه دئیهر من هاردایام).
آلپلار بیرله اوروشما، بئغلار بیرله توروشما.
آوجی نیچه آل بیلسه، آدوغ آنجا یول بیلیر. ( اووچو نئچه حیله بیلسه، آیی دا او قدر یول بیلیر).
ائندیک اوما ائولیکنی آغیرلار. (آخماق قوناق ائو صاحبینی آغیرلار).
ائودهگی بوزاغی اؤکوز بولماس. (ائو بوزوووندان اؤکوز اولماز).
اردمسیزدن کوت چرتیلور. (اردمسیزدن اوغور اوزاق اولار).
ارمهگونه بولیت یوک بولور. (ارینگنه بولود یوک اولور).
اوت توتونسوز بولماس، ییگیت یازوکسوز بولماس. ( اود توتونسوز، گنج گوناهسیز اولماز).
اولوقنی اولوقلاسا کوت بولور. (بؤیوگونون آغیرلیغین گتیرن خوشبخت اولار).
ایل قالیر، تؤرو کالماس.
بؤری کوشنیسین یئمز. (قورد قونشوسونو یئمز).
بیرین-بیرین مینغ بولور، تاما- تاما کؤل بولور. ( بیر- بیر ییغیلار مین اولار، داما – داما گؤل اولار).
بیلمیش یئک بیلمهدوک کیشیدن یئگ. (تانیدیغین شیطان تانیمادیغین آدامدان یاخشیدی).
تاغ تاغقا کاووشماس، کیشی کیشییه کاووشور. ( داغ داغا قووشماز، آدام آداما قووشار).
سوو گؤرمکینجه اتوک تارتما. ( چای گؤرمهمیش اتگینی چیرمالاما).
کورتقا بودیک بیلمس، یئریم تار تئر. (قاری اویناماق بیلمز، یئریم داردی دئیهر).
کوروغ یاغاچ ائگیلمئس. (قورو آغاج اگیلمز// آغاج یاشکن اگیلر).
کوز کئلیقی یاییت بئلئقولوک. (پاییزین گلیشی یایدان بللی اولور).
کوش کاناتین، ائر آتین. (قوش قانادییلا، ار آتییلا).
کوش کیلینچ کینقا سیقماس. (قوشا قیلینج قینا سیغماز).
ییلان کئندو ائگریسین بیلمس، تهوهی بوینون ائگری تئر.( ایلان اؤز اگریسین بیلمز، دئیهر دوهنین بوینو اگریدی).
