ایران طب تشکیلاتینین صدری: اؤلکه میزده ائبولا گؤرونمه ییب.
اوروم نیوز، ایران طب تشکیلاتینین صدری اؤلکه میزده ائبولا ویروسونون اولماسینی گؤسترن بیر فاکتین مشاهده اولونمادیغینی دئییب.
تهراندا ژورنالیستلرله مصاحبهده بو خبری تصدیقلهین علیرضا زالی خاطرلادیب : اؤلکه میزده ائبولا نشانهلرینین اولماسینی ثبوتا یئتیرن بیر فاکت موجود دگیل.
ایرانین صحیه اورقانی ائبولا کیمی ویروسا قارشی تام جدی شکیلده مبارزه آپارماق وضعیتیندهدیر.
سون ستاتیستیکالارا(آمارلارا) اساساً آفریقا اؤلکهلرینده ۱۰ مین نفره یاخین انسان ائبولا خستهلیگینه دچار اولوب . خستهلرین ۴ مین ۹۰۰ نفردن چوخو اؤلوب. ائبولا کئچن ایلین دی آییندا مشاهده اولوب و او تاریخدن گئنیشلهنیب.
