اوروم نیوز، اهل بیت (ع) سئورلر وطنی اولان آذربایجانین هر بیر گوشه‌سینده امام حسینین(ع) و قهرمان سلاحداشلارینین کربلادا شهید اولماسینین آنیم مراسیملرینین کئچیریلمه‌سی دوام ائدیر.
الیمیزه چاتان معلوماتا گؤره، عزا مراسملرینه دوام ائدن ایچری شهر “جمعه” مسجدینین دینی اجماعسی، نوبتی تدبیرینی کئچیریب.
تدبیرده ایچری شهر “جمعه” مسجدینین امام-جماعاتی حاجی ایلقار ابراهیم اوغلو امام حسین(ع)عاشقلرینی عاشورادان حقیقی درس اؤیرنمه‌یه چاغیردی.
حاجی ایلقار ابراهیموغلو وورغولاییب : “بیز بیر دونیادا یاشاییریق کی، اونون تربییه سیستمینده، تحصیلینده، اونیوئرسیته لرینده، مکتبلرینده، تئلئه مکانیندا و سایره‌ده انسانین قورتولوشونون ان مهم عاملی اولان توبه آدینا هئچ نه یوخدور.”
“جمعه” مسجدینین امام-جماعاتی علاوه ائدیب : “عاشورا بیزه اؤیره‌دیر کی، اگر توبه اولماسا، ان انکشاف ائتمیش جمعیت بئله تنزله محکومدور. نئجه کی، بیز بونو عاشورادا گؤردوک: حضرت پیغمبرین (ص) قوردوغو جمعیت تؤوبه‌دن اوزاقلاشدیغی اوچون حتّی اؤز اماملارینا قارشی چیخدیلار.
ها بئله لنکراندادا عزادارلیق مراسملری خاص بیر شوق ایله دوام ائدیر.
آذربایجان جمهوریتنین دیگر بؤلگه‌لرینده کی اولدوغو کیمی لنکرانین دا دیندار اهالیسی سرورلرینه اؤز سئوگی و محبتلرینی بیلدیریرلر.
لنکران شهری اهالیسینین عزادارلیغیندان الده اولونان کادرلار لنکرانلی گنجلرین بو دینی مجلسلرده شؤوقله و سئوگی ایله اشتراک ائتدیگینی گؤستریر.
امام حسینه(ع) عزادارلیق مراسمی لنکران شهرینین مختلف مسجدلرینده لنکرانلی ولایت سئور کیشی و قادینلاری اشتراکی ایله جماعات نامازلاری قیلیندیقدان سونرا کئچیریلیر.
لنکرانلی اینانجلی کسیم کربلا قیامینین دونیا آزاده‌لرینه اولان درسلریندن درین مضمونلو نوحه‌لری اوخویاراق عاشورا مکتبینه صادیق قالدیقلارینی وورغولاییر.
لنکران شهرینین مسجیدلرینده حسین(ع) عزادارلیق مراسملری خالقین اشتراکینین آرتماسی ایله بو شهرین دیندار اهالیسی آذربایجان جمهوریتینین دیگر شهر و کندلری کیمی اؤز سئوگیلرینی شهیدلر سرورینه بیلدیریر و تاسوعا و عاشورا گونلرینه حاضرلاشیر.
آرتیرمالی ییق کئچن جمعه ده آذربایجان جمهوریتینده علی اصغر(ع) سودامرلر مراسمی کئچیریلمیشدی. بو مراسمده آذربایجانلی آنالار اؤز بالالاری ایله قاتیلمیشدیلار. ناراداران شهرینده اشتراک ائدنلرینین بیر سیراسینین شکیللری:
