اوروم نیوز، غربی آذربایجان پولیس قوه لرینین کاماندری مخبریمیزله دانیشیقدا دئدی: جامعه ده امنیت و گوونلیگی آرتیرماق و اویوشدوروجو ماده لر مبارزه اوچون پولیس طرفیندن دؤرد گونلوک اؤزل عملیات باشلاتیلدی.
سردار” یحیی شرفی” دئدی: بو طرح و عملیاتین اجراسیندا ۲۶۴ کیلو ۲۱۱ گرام مختلف مخدره و اویوشدوروجو ماده او جمله دن تیریئک، هروئین، چتنه، کریستال و قراس اؤلوم آل-وئرچیلریندن کشف ائدیلدی.
او آرتیردی: بو خصوصدا دؤرد قاچاقچی دسته سی داغیلارکن 87 نفر قاچاقچی ایله اویوشدوروجو ماده پایلایان شخص یاخالاندیلار.
غربی آذربایجان پولیس قوه لرینین باشچی سی سوندا عائله لرین جامعه ده اعتیادین قاباغینی آلماقدا اؤنملی رولونا توخوناراق، خاطرلاتدی: سؤزسوز عائله اجتماعدا ساغلاملیغی ساغلاماقدا بیرینجی یئرده قرار تاپیر و آتا-آنالار اوشاقلارینی بیلگی لندیرمکله بو ائولر ییخان عارضه نین اؤنله یه بیلرلر.
