بەپێی راپۆرتی ئرووم نیوز بە گێڕانەوە لە هەواڵدەریی فارس، مەرزیە ئەفخەم وتەبێژی وەزارەتی دەرەوەی ئێران سەبارەت بە پێکهاتنی هاوپەیمانیی نێونەتەوەیی بەدژی داعش کوتی: هاوپەیمانیی ناسراو بە هاوپەیمانیی نێونەتەوەیی بەرەنگاربوونەوەی داعش کە پاش کۆبوونەوەی سەرۆکانی ناتۆ لە وێلز پێکهاتنی خۆی راگەیاندووە گومانی جیدی لەسەرە و گومان هەیە لەبارەی سووربوونی لەسەر بەرەنگاربوونەوەی بناغەیی و دروست لەگەڵ تیرۆریسم.
ئەفخەم جەختی کرد: هەندێ لە وڵاتانی ناو ئەم هاوپەیمانییە پشتیوانانی ماڵیی و ئاسایشیی تیرۆریستان لە عێراق و سوریا بوون و ژمارێکیش بەهیوای جێبەجێ کردنی گۆڕانکاریی جێی مەبەستی خۆیان لە عێراق و سوریا بەپرسایەتیی نێونەتەوەیی خۆیان لەبیرکردووە.
ناوبراو وتیشی: لەساڵانی دورودرێژ سیاسەت و هەنگاوی دووفاقیانە و دەکارهێنانی ئامرازیی تیرۆریسم و توندڕەویی ئەنجامێکی جگە لە برەودان بە تیرۆریسم و توندڕەویی و دەرکەوتنی لقی جۆراوجۆری ئەم تاقمانە لە هەموو جیهان نەبووە.
وتەبێژی وەزارەتی دەرەوەی ئێران جەختی کرد: ئەم وڵاتانە پێش هەنگاوی نومایشیی کە واوێدەچێ بەمەبەستی پاک کردنەوەی پێشینەکەیان سەبارەت بە پشتیوانیی لە تیرۆریسم هەڵگیراوە پێویستە ئەگەر بەراستیی لە پەرەی رەهەندەکانی تیرۆریسم دەترسێن بەبێ بەرزکردنەوەی دروشم و کەڵک وەرگرتنی سیاسیی کۆتایی بێنن بە هەڵوێستی دووفاقیانە و راست و دروستیی خۆیان بۆ بەرەنگاربونەوەی تیرۆریسم و توندڕەویی بسەلمێنن.
