اوروم نیوز، جمهورباشقانی حسن روحانی ایرانین آلتی لیق ایله یئددی گونلوک مذکرهلرینین باشا چاتماسیندان سونرا بیر تئله صحبتده وورغولاییب: گلهجک پارلاقدیر و نووه مذاکرهلرینده یئکون غلبه ایران خالقی ایله اولاجاق.
او دئییب: ایرانین منطقی مذکره و دیالوقدور و نووه مذکره لری یئکون راضی لاشمایا چاتانادک جدّی صورتده داوام ائده جک.
روحانی “ایرانین نووه حاقیندان گئری چکیلمه میش و چکیلمه یهجه ییک” دئیهرک، علاوه ائدیب: اسلامی ایرانین نووه تکنولوژیسی و تأسیساتلارینین فعال قالماسیندا شبهه یوخدور و بو گون مذاکره طرفلری اینانیرلار کی، ایران قارشیسیندا تضییق و تحریم نتیجه سیزدیر.
ایران جمهورباشقانی مذاکره یولونون یئکون راضیلاشما ایله نتیجه لنجه یینی وورغولایاراق، دئییب: سانتیفیروژلار اصلا دایاندیریلمایاجاقلار. خالقین حیات طرزی ده داها یاخشی اولاجاقدیر.
روحانی دئییب: دونیا اوچون ایران خالقی ایله مذاکرهدن باشقا هئچ بیر یول یوخدور و بو مذاکره یئکون راضی لاشما ایله نتیجه لنه جک، یا بو گون، یا صاباح راضی لیغا چاتاجاغیق.
او، بئله قئید ائدیب: پرده آرخاسینداکی مذاکره لرده منطقلر بیر-بیرینه یاخینلاشیر کی، بورادا یاخشی ایره لی له ییش اولوبدور، لاکن کاغاذ اوزرینه گلمک و قطعی راضی لاشمادا معین قدر بیر-بیریمیزدن فرقلی ییک.
