اوروم نیوز، آمریکانین “جومسونیجس” شرکتی پولیسلره اوزاق مسافه‌دن ماشین آرخاسیندا اس.ام.اس یازان سوروجولری معین ائتمگه امکان وئره‌جک قورغو یارادیب.
قورغو خارجی گؤرونوشونه گؤره عادی راداردان سئچیلمیر و اونون ایشلتمگی چتین دگیل.
جیهاز اس ام اس گؤندریلن زامان تیلفونو شعالاندیران خصوصی تئزلیک رادیودالغالارینی معین ائده‌رک اکرانا داخل ائدیر و بوندان سونرا پولیسه یالنیز سوروجونو ساخلاماق و یا اونون اتوموبیلینین نؤمره‌سینی یازماق قالیر.
نؤوبتی ایلده ساتیشا چیخاریلماسی پلانلاشدیریلان یئنی رادار اس ام اسی محض کیمین – سوروجو و یا سرنشینین یازماسینی دا معین ائدیر.
بو، پولیسه قایدانی پوزانلاری ساخلاماغا و اونلاری جریمه ائتمگه امکان وئره‌جک. راداردان استفاده نین باشلانماسینی یوبادان عامللردن بیری سوروجونون تیلفونوندان ترافیکین ایزلنمه‌سینین شخصی حیاتا مداخله اولوب-اولماماسی ایله باغلی اولان مسئله‌دیر.
خاطرلاداق کی، عالیملر ثبوت ائدیبلر کی، اوتوموبیلی اداره ائدرکن اس .ام.اس بیلدیریشین یازیلماسی رئاکسیانی خیلی ضعیفله دیر، ائله جه ده یولونون سمتینین دییشدیریلمه‌سی و توققوشما احتمالینی ایکی دفعه آرتیریر.
