غربی آذربایجان والی سی شهید عائله لرینی جامعه نین دگرلرینین قورونما سیمگه سی آدلاندیردی.
اوروم نیوز،غربی آذربایجان والی سی شهیدلر محمدرضا خلیلی و کوچک ابول زاده نین عائله لری ایله گؤروشده دئییب: انقلابین نتیجه وئرمه سینده شهیدلرین اؤزل یئری وارایدی.
سعادت آرتیریب: شهیدلر اؤز نقشلرینی آللاه یولوندا جهاد ائدنلر کیمی گؤزلجه سینه ایفا ائدیبلر.
او بیلدیریب: شهید عائله لری جامعه نین دگرلرینین قورونماسیندا بیر سیمگه ساییلیلرلار و بوگون هامی نین وظیفه سی دیر کی شهادت و جاندان کئچمه کولتورونو اسلامی جامعه میزده یایاق.
غربی آذربایجان والی سی وورغولاییب: بوگونکو امنیت و آساییشیمیزی شهیدلرین قانلارینا بورجلویوق.
دئمه لی ییک بوگؤروشلرین سونوندا قئید ائتدیگیمیز شهیدلرین عائله لریندن تقدر اولوناراق، بیر فاتحه ایله یادلاری عزیز ساییلدی.
بو گؤروش پولیس هفته سی چرچیوه سینده و غربی آذربایجان پولیس قوه لری کاماندرینین حضورو ایله گئرچکلشدی.
