اوروم نیوز، سولدوز شهرینین دانشگاهینین ایدمان زالیندا بو شهرین اؤیرنجی شهیدلرینین آغیرلاما مراسمی قورولدو.
ایرنانین یایدیغی معلوتا گؤره، اؤیرنجی لر و معلملرین حضورو ایله گئرچکلشن بو مراسمده سولدوزون علمیه حوزه سینین مدیری دئییب: قوتسال مدافعه زمانیندا مکتب و اونیورسیته اؤیرنجی لری وطنی و نظامی قوروماق اوچون جبهه لره یوللاندیلار.
حجت الاسلام منیری آرتیریب: اسلام دؤیوشچولری اؤز رشادت و جاندان کئچمه لری ایله غرب و شرق گوجلرینین هئیبتلری سیندیریب و اسلام بایراغینی دالغالاندیرالار.
او وورغولاییب: جبهه ده ساواش بیتسه ده آما ایندی بیزیم جوانلارین یئنی جبهه سی علم ده و اؤلکه میزی قالخینمایا چاتدیرماقدیر.
منیری سؤیله ییب:بو چتین یولدا شهیدلر و امام(ره) یول خریطه سینی بیزه آیدینلادیبلار و بیز ائده بیلریک راحاتلیقلا اؤز هدفیمیزه چاتاق.
آغیرلاما مراسمینین سونوندا اهل بیت شاعرلرینین بیری شهیدلر وصفینده اؤز شعرلرینی اوخویاراق، چیخیش ائدیب.
