اوروم نیوز، اورمیه امام جمعه سی و غربی آذربایجاندا اولان ولی فقیه نماینده سی اؤلکه میزین سلاحلی قوه لرینی دونیانین ان صادق و دوزگون سلاحلی قوه لری سیراسیندا آدلاندیریب.
او حربی و پولیس باشچی لاری و کاماندرلری ایله گؤروشده دئییب: قورآن ایله ایلگی قورماق و قورآنی هر ایشده اؤرنک گؤتورمک بو ایشه سبب اولوب.
حجت الاسلام قریشی آرتیریب: فقیه ولایتیندن تبعیت ائتمک سلاحلی قوه لریمیزین دیگر باشاریلار و موفقیتلرینین عاملی دیر.
او بونا اشاره ائدرک کی اوردو، سپاه ، سردحدچی و پولیس قوه لریمیز ایران اسلامی جمهوریتینین تورپاقلارینی دوشمن قارشیسیندا قورودولار، وورغولادی: ایندی لیکده ده بو ایش جدیتله دوام ائدیر.
اورمو امام جمعه سی و غربی آذربایجاندا اولان ولی فقیه نماینده سی سوندا خاطرلادیب: مقدس مدافعه دؤورو اؤلکه میزین ان پارلاق دؤورانلاریندان بیری دیر و بو دؤوران سلاحلی قوه لریمیزین وحدت و ایثارلارینین سیمگه سی دیر.
