سعادت ساوادسیزلیغین آرادان قالدیریلماسینی، تحصیل سیستمی نین ان اؤنملی وظیفه لریندن ساییب.
اوروم نیوز، غربی آذربایجان ولایتینین والی سی ساوادسیزلیغین آرادان قالدیریلماسینی، تحصیل سیستمی نین ان اؤنملی وظیفه لریندن ساییب و گله جک بئش ایلده بو مسئله یه آرتیق دقت یئتیرمگی وورغولاییب.
قربانعلی سعادت یئنی تحصیل ایلی نین باشلانیشیندا، شاهد نورالزهرا مکتبینده دئییب: ایندی لیکده ۲۵۰ مین نفر ساوادسیز غربی آذربایجاندا یاشاییر و بو رقم ولایتمیزه یاراشمایان بیر رقم دیر.
او آرتیریب: تحصیل و ائییتیم شوراسینین تصمیملرینه گؤره هر ایل ۵۰ مین نفر ساوادسیز غربی آذربایجاندا خصوصی دؤوره لرله ساوادلاندیریلاجاقلار.
خاطرلاتمالی ییق، خزل آیی نین بیرینجی گونونده غربی آذربایجان ولایتینده ۵۷۵ مین مکتب اؤیرنجی سی ۲۵ مین صینیفدا یئنی تحصیل ایلینه باشلادیلار.
