بە پێی هەواڵی ئرووم نیوز : رەسووڵ خزری لە دانیشتنی رۆژی یەک شەممە ۳۰ خەرمانان هوشداری دایە وەزیری ئامووزێش و پەروەریش و وتی : بە لەبەرچاو گرتنی کارەساتی قوتابخانەی پیرانشار هیوادارین ساڵەکانی دوایی رووداوی دڵتەزێی ئەم جۆرە لە وڵات دووپات نەبیتەوە.
وتیشی : پێویستە وەزارەتی ئامووزێش و پەروەریش هەرچی زووتر مووچەی مانگانەو دیەی تەواو و کەماڵی قوتابیانی ئاگرکەوتنەوەی شیناوێی پیرانشار بدات.
نوێنەری خەڵکی سەردەشت و پیرانشار هەروەها داوای لە سەرۆک کۆمار کرد هەرچی زووتر وەزیری زانست بە پارڵەمان بناسێنێ و ئاورێکیش وە باروودۆخی بازارچەی سنووری پیرانشار بدەتەوە . لەو بارەوە خزری وتی : داواکارین رێژەی ئاڵۆگۆریکانی سنووری نێوان ئیران و عێراق لە سنووری پیرانشار پەرە بستێنێ و ئەم کارە لە دەستووری کاری وەزارەت دا جێ گیر بکرێ.
ئەو ئەندام پارڵەمانەی ئێران هەروەها وتی : دوای ۲ ساڵ تێپەربوون بەسەر گۆڕانی دەوڵەت هیشتا فەرمانداری شارەکانی سەردەشت و پیرانشار نەگۆردراوە و داواکارین هەرچی زووتر فەرماندارانی نوێ بۆ سەردەشت و پیرانشار دیاری بکرێن.
سەرچاوە : خانه ملت
