اوروم نیوز، حسن روحانی ایران اسلام جمهورباشقانی و الهام علی یئو آذربایجان جمهورباشقانی بوگون روسیه نین هئشترخان شهرینده گؤروشوبلر.
خزریانلی اؤلکه لرین توپلانتیسی سیراسی گئرچکلشن گؤروشده، ایران ایله آذربایجان آراسیندا عمومی تاریخی-مدنی کؤکلرین موجودلوغو اؤنملی ساییلاراق اؤلکهلریمیزین و خالقلاریمیزین قونشولوق و دوستلوق مناسبتلرینین داها دا ایلرلمه ائتدیریلمهسی اوچون گئنیش امکانلارین اولدوغو بیلدیریلیب.
صحبت زامانی اؤلکهلریمیز آراسیندا ایکی طرفلی مناسبتلرین و بؤلگه سل امکداشلیغین داها دا گوجلندیریلمهسی اوچون هر ایکی طرفین چالیشیقلارینین آرتیریلاجاغینا اومود ائدیلیب.
جمهورباشقای روحانی بو گؤروشده دئییب: ایران ایله آذربایجانین امنیتلری و گلیشمه لری بیر-بیرینه باغلی دیر و گرک قویماق آیری اؤلکه لر کی دوستلوقجا قورلان علاقه لریمیزین دوشمانلاری دیلار، بو ایشه قاریشالار.
او آرتیریب: انرژی، نفت و قاز، تجارت، اطراف محیط و توریسم آچیسیندا یاخشی ظرفیته ایکی اؤلکه مالکدیر و بونلارا گؤره اورتاق کمیسیونلار چالیشیقلارینی آرتیرمالیدیلار.
ایران اسلام جمهوریتینین جمهورباشقانی سوندا خاطرلادیب: قزوین-رشت و رشت-آستارا دمیریولونون انشائات ایشلری سرعتلندیریلب و آذربایجانلیی طرفده گرک بو طرحه قاتیلا، نیه کی هر ایکی ملتین خئیرینه دیر.
خاطرلاتمالی ییق بو گؤروش ایران اسلام جمهورتینین هئشترخانداکی کونسوللوق رئزیدانسیندا گئرچکلشمیشدی.
