اوروم نیوز، عابد فتاحی مخبریمیزله دانیشیقدا کئچن گونلرده رهبریمیزه قارشی سؤیله نیلن بیر سیرا سؤزلره دئیینه رک، دئدی: رهبریمیز هویتیمیز و انقلابیمیزین سیمگه سی دی.
او بونو دئیه رک کی عالی مقاملی رهبریمیز معنویت، ولایت و امامتیمیزدی، آرتیردی: اؤلکه ایچینده و ها بئله دونیا چاپیندا هئچ بیر کیمسه نین اونا توخونماغا حاقی یوخدو.
اورمیه نین اسلامی مجلسده کی وکیلی وورغولادی: مجلس، دولت و اؤلکه نین مختلف مقاملاریندان انتقاد آزاددیر و هرکس ائده بیلر مختلف موضوعلاردا اؤز بیاناتین دئیه آما عالی مقاملی رهبریمیز بیزیم قیرمیزی چیزگی میزدی.
او دئدی: رهبریمیز اؤزونه مخصوص بیر شخصدیر کی دونیا مظلوملارینا و مستضعفلرینه عائددیر و بیزیم اوره گیمیزده دی و آرتیق تفکروموزدا یئر آلیب.
فتاحی آرتیردی: رهبریمیزه قارشی آپاریلان و دئییلن هر بیر سؤزو ایرانین بوتون ملتینه دئییلدیگی اعتقادینداییق و ملت وکیلی اولاراقدا بو حرکتی قیناییریق.
اورمیه نین اسلامی مجلسده کی وکیلی سوندا بونو خاطرلاداراق کی تورکیه بیزیم دوستوموز و قونشو اؤلکه میزدی و گرکیر کی بوتون قونشولارلا یاخشی رابطه میز اولا، سؤیله دی: انتظار بونادیر کی بو حاقدا بوتون حرکتلریمیز و رفتارلاریمیز امنیتی و انتظامی کاماندرلرینین اطلاعسی ایله قانون و حقوق چرچیوه سینده اولسون.
