“اوروم نیوز، قلوبال ریسئرچ” آراشدیرمالار مرکزی آمریکانین تئررور سیاستی ایله باغلی حسابات درج ائدیب. تشکیلاتین حساباتینا گؤره آمریکا داعش-دن ۳ فورمادا فایدالانیر:
۱٫ یاخین شرقده اؤز دوشمنلرینی هجوما معروض قویور .
۲٫ بؤلگه ده حربی مداخله اوچون بیر بهانه الده ائدیر .
۳٫ اؤلکه داخلینده اهالییه قارشی جاسوسلوق فعالیتلرینی تئرروریسمله مبارزهنین گوجلندیریلمهسی و تهلوکهسیزلیگین قورونماسی بهانهسی ایله آرتیریر .
اوغول جورج بوشون دؤوروندن آمریکانین خارجی سیاستینده اؤزونه یئر آچان “تئرروریزمله مبارزه” تئرمینی اصلینده آمریکانین دیگر اؤلکهلرین داخلی ایشلرینه سیاسی و حربی مداخلهسینه امکان وئریر. آمریکا بیرلشمیش ولایتلرینین خاریجی سیاست سفراسیندا ایکی قروپ حل ائدیجی رولا مالکدیر: اسرائیل لوببیسی و سلاح کارتئللری. بو ایکی قروپ اؤز-اؤزلوگونده بیر-بیری ایله سیخ علاقه لره مالکدیر.
آمریکانین خارجی سیاستینده تئرروریزمله مبارزهنین اعلان اولوندوغو زاماندان، یعنی ۲۰۰۱-جی ایلدن بری بیرلشمیش ولایتلرده وئرگی اؤده ییجیلری حسابینا توپلانمیش ۶،۶ تریلیون دولار وسائط بو دولتین میلیتاریست سیاستینه خرجلهنیب. مینلرله آمریکالی گنج ایسه بو یولدا افغانستان و عراقدا جان وئریب. اسرائیل لوببیسی و سحاح کارتئللری ایسه بو سیاست حسابینا چوخلو مقداردا گلیر الده ائدیبلر.
آمریکادا عمومی صداقت آراشدیرمالار مرکزی طرفیندن آپاریلان آراشدیرمالارا گؤره اؤتن ۳ ایلده آمریکادا ۲۷ شرکت و یا حقوقی شخص عراق و افغانستان محاربه لرینین آردینجا امضالانمیش مقاولهلر حسابینا ۲۷ میلیارد دولار گلیر الده ائدیب. بو شرکتلرین ریاست هئیتی و یا ایشچیلرینین ۷۵%-دن چوخو حاکیمیتده کونقره ده و یا اوردودا وظیفه صاحیبیدیرلر.
“قلوبال ریسئرچ” سوندا یازیر:
“بئلهلیکله، تئرروریسمله مبارزهده آمریکا اوچون تکجه بیر یول مؤوجوددور. او دا تئررورچولاردا ماراق اویاتماغا سون قویماق و اونلارین سلاحلاندیریلماسی پروسئسینی دایاندیرماقدان عبارتدیر”.
