اوروم نیوز، باغداد داعشه قارشی مبارزه بهانه‌سی ایله خارجی قوشونلارین عراقا داخل اولماسینا قارشی چیخدی .
سحر تی وینین یایدیغی معلوماتا گؤره، عراقین خارجی ایشلر باخانی اؤلکه‌سینین، تئررورچولارلا مبارزه آدی آلتیندا اجنبی قوشونلارین عراقا داخیل اولماسی ایله موخالیف اولدوغونو بیلدیریب.
ابراهیم جعفری دونن گئجه نیویورکدا، بیرلشمیش ملتلر تشکیلاتی نین باش آسامبلیاسینین سئسیاسینین کناریندا مخبرلره وئردیگی آچیقلامادا دئییب: عراق داعشه قارشی یارادیلان بین الخالق اتفاقین عراقا قورو قوشونلاری یئریتمه‌سی ایله مخالفدیر.
جعفری علاوه ائدیب: عراقین حربی دستگه، حربی تجهیزاتلارا و هاوا هوجوملارینا احتیاجی وار. داعشه قارشی هجوملاردا یاشاییش منطقه لرینین تهلوکه‌سیزلیگی ده تأمین ائدیلمه‌لی دیر. ان اساسی ایسه داعشه قارشی هجوملار عراق آنایاساسینا اویغون اولمالی، عراقین بوتونلوگونو و حاکیمیت حاقینی پوزمامالی دیر.
