اوروم نیوز، کانادا حکومتی عموم دونیا صحیه تشکیلاتینا ائبولا خسته‌لیگینه قارشی مبارزه اوچون حاضرلانان واکسنین ۸۰۰ دوزاسینی گؤندره‌جک.
اهل بیت خبر آژانسی نین یایدیغی معلوماتا اساساً، واکسنلر اوچ بؤلومده گؤندریله‌جک.عموم دونیا صحیه تشکیلاتی ایسه واکسنلری ائبولا ویروسونون یاییلدیغی آفریقا اؤلکه‌لر آراسیندا بؤلوشدوره‌جک.
واکسن کانادانین دؤولت ملی میکروبیولوژیا لوراتوریاسیندا حاضرلانیب. آمریکا شرکتی “نیو لینک کنتیکس” کانادادا واکسن استحصالی لیسانسینا مالکدیر. هله آوقوست آییندا کورپوراسیادان بیلدیریلمیشدی کی، بیر-ایکی آی عرضینده مینلرله واکسین دوزاسینی استحصال ائتمگه باشلایاجاقلار.
قئید ائدک کی، ائبولا ویروسو ۲۰۱۴-جو ایلین فئورالیندا کنیادا قئیده آلینمیشدی. خسته‌لیک سونرادان سیرالئون ، لیبریا، نیجریه، کونقو و سنگالا یاییلیب. ویروسا یولوخما حاللاری آیری-آیریلیقدا آمریکا و آوروپادا دا راستلانیب.
عموم دونیا صحیه تشکیلاتینین معلوماتینا گؤره، تخمیناً ۸ مین بئش یوز انسان ائبولا ویروسونا یولوخوب. اونلاردان دؤرد میندن چوخو اؤلوب.
