اوروم نیوز، فارس خبر آژانسی‌نین اورمیه‌دن چالدیران فرماندارلیغیندان آلدیغی راپورا گؤره، محمد جوان چالدیران‌ین ثبت احول مسئله‌لری ایله چتینلیکلرینی کنترلو اوچون بو شهرین فرماندارلیغینین جلسه سالونوندا قورولان جلسه‌ده بیان ائتدی: بو ایلین اولیندن ایندییه کیمی دوغوم نسبتی چالدیران‌دا یوزده ۸ آرتیب‌دیر.
او چالدیران‌نین دوغوم نسبتینه اشاره ائدیب آچیقلادی: بو ایل ۸۰۵ دوغوم چالدیران‌دا اولوبدور.
جوان چالدیرانلی آتا-انالارین سئودیی آدلارا دا اشاره ائدیب آرتیردی: علی اصغر ایله علی چالدیران‌لیلار طرفیندن ان چوخ سئچیلن آدلاردیرلار.
غربی آذربایجان ثبت احوال‌ینین باش مدیری دئدی: قیز آدلاریندا دا فاطمه، زهرا و نازنین زهرا چالدیرانلی آتا-آنالارین لاپ چوخ سئودیکلری آدلاردیرلار.
جوان چالدیران دا اولان ائولیلیک نسبتینه ده اشاره ائدیب بیان ائتدی: بو ایل ۳۴۹ ائولیلیک چالدیران‌دا یازدیریلیب‌دیر.
خبرین سونو/
