اوروم نیوز، اسلامی شوراسی مجلسینین صدری دئییب: انکشافیندا رول اوینامیش بعضی اؤلکه لر طرفیندن تروریزمله مبارزه ممکن دگیل و داها چوخ تبلیغات کاراکتئری آلیبدیر.
ایرنانین معلوماتینا گؤره، کئچن گون علی لاریجانی ایرانین یاردیمی ایله دوزلدیلمیش جیبوتی ملی مجلسینین یئنی بیناسینین آچیلیش مراسمینده علاوه ائدیب: تئروریزمله مبارزهده تئروریزمین گئنیشلنمه سینین و بؤیوک قدرتلر طرفیندن مختلف منطقه لرین خالقلارینین تاریخی تحقیرلری داخل اولماقلا دونیاداکی قاریشیقلیقلارین سببلرینی رئال صورتده درک ائتمک گرکدیر.
لاریجانی ها بئله آفریقانین ایران ایسلام رئسپوبلیکاسینین خاریجی سییاستینده یوکسک یئره مالیک اولدوغونو خاطیرلاداراق، سؤیلهییب: ایران آفریقالی دولت و خالقلارلا علاقه لرینین گئنیشلنمهسی و گوجلندیریلمهسینده الیندن گلهنی اسیرگمه ییبدیر.
ایرانین قانون وئریجیلیک حاکمیتینین صدری همچنین دنیز قولدورلوغو ایله مبارزه ساحه سینده جیبوتی نین همکارلیغینی بؤلگه نین تهلوکهسیزلیگی و تجارتینده مهم دگرلندیره رک، بیلدیریب کی، جیبوتی دولتینین بو مسئولیتلی آددیمی ایران اسلام جمهوریتی داخل اولماقلا بوتون اؤلکهلرین دقت مرکزینده دوروبدور.
