اورمونیوز، علی علیزاده آذربایجان جمهوریتینین تبریزده کی باش کونسولو باکی ایله ایرانین یئنی دؤولتینین رابطه سینین یاخشی اولدوغونو دئدی.
اایرنانین وئردیگی معلوماتا اساساً و آرتیردی: ایکی طرفلی رابطه لریمیز ایرانین یئنی دؤولتینین گلمگی ایله داهادا استحکام تاپیب.
علیزاده بیان ائدیب: مختلف اقتصادی و دیپلوماتیک قروپلار ایران ایله آذربایجان جمهوریتینده گئت-گلده دیلر.
باش کنسول بونو دئیه رک کی هر ایکی طرف علاقه لرین آرتیریلماسینا و سیاسی-تجاری مناسبتلرین گئنیشلندیریلمه سینه ماراقلی دیلار، سؤیله ییب: چوخلو آذربایجان وطنداشی درمان اوچون ایرانا سفر ائدیرلر و بو موضوعدا یاتیریملارین اولماسینی ایسته ییریک.
علیزاده سوندا خاطرلادیب: آذربایجان جمهوریتی ایران اسلام جمهوریتی کیمی ایکی اؤلکه نین وطنداشلارینین سرحددن گئدیش گلیشینه راحات بیر شرایط یاراتماق نیتینده دیر و بونون ایلک آددیمینی ناخچیوان مختار جمهوریتینده گئرچکلشدیریب.
