اوروم نیوز، ایرانین صنایع، معدن و تجارت باخانی محمد رضا نعمت زاده ایران و روسیه آراسیندا اقتصادی و صنایع ساحه سینده امکداشلیق مقاوله سینین امضالانماسینین آردینجا دئییب: اقتصادی و تجارت علاقه لرینین آسانلاشدیریلماسی مقصدی ایله ایکی اؤلکه رسمی لری موجود مانعهلرین سرعتله آرادان قالدیریلماسیندا ماراقلی دیرلار.
ایریبین معلوماتینا گؤره،نعمت زاده علاوه ائدیب: لوجیستیک علاقه لرین انکشاف ائتدیریلمه سی، روسیه نین هشترخان شهری ایله ایرانین شمال شهرلری آراسیندا بیرباشا آویاریسلرین آچیلماسی، کند تصرفاتی ماشینلارینین استحصالی و ساتیشی ایکی طرف آراسیندا امضالانمیش آنلاشمانین ان مهم ماده لری دیر.
ایرانین صنایع، مدن و تجارت باخانی محمد رضا نعمت زاده ایله روسیه نین اقتصادی انکشاف باخانی آلئکسی اولیوکایئو بازار گونو تهراندا استراتژی اقتصادی و صنایع امکداشلیقلاری سندینی امضالاییبلار.
